Kátir sjálfstæðismenn í Mosfellsbæ

Eins og ákveðið var á aðalfundi fulltrúaráðsins í febrúar, bauð Ragnheiður okkur til sín í Hrafnshöfða 35,þann 16.mars síðastliðinn.
Þaðan fórum við í gönguferð meðfram sjávarsíðunni í átt að hesthúsahverfinu og litum við í hesthúsinu hjá Guðjóni og Önnu Björk.
Síðan hélt gönguferðin áfram  í Álafosskvosina, þar sem við fengum okkur súpu og aðrar góðar veitingar.  Þessi samvera heppnaðist í alla staði vel, mikil gleði í hópnum, gítarspil og söngur áberandi og eitthvað um pólítískar umræður.
Það sannaðist þarna að það er gaman þegar sjáfstæðismenn koma saman.

Finna má fleiri myndir á facebook síðunni okkar Sjálfstæðismenn í Mosfellsbæ

Fyrirlestur með Jónínu Ben

Sjálfstæðisfélag Mosfellinga býður þér á afar spennandi og líflegan fyrirlestur með Jónínu Ben næstkomandi fimmtudag, 22.mars.

Fyrirsögn fyrirlestursins er: Byggjum upp heilbrigt samfélag / baráttan gegn lífstílssjúkdómum og lyfjavæðingunni.

Fjallar þessi fyrirlestur m.a. um íslenskt samfélag nú á tímum og hvert það er að stefna. Fjallað verður um heilsu og stjórnmál almennt.

Jónína Ben hefur farið um allt landið með fyrirlesturinn sinn og mættu t.d. 400 manns á Grand Hótel til þess að hlusta á hana.

Hún fléttar inn húmor og hreinskilni auk þess sem nýjar upplýsingar og rannsóknir um orsakir og afleiðingar lífsstíls koma fram.

Jónína mun einnig svara fyrirspurnum.

Fyrirlesturinn verður haldinn í félagsheimili Sjálfstæðisfélags Mosfellinga að Háholti 23 í Mosfellsbæ og fundartími er kl. 20.00 fimmtudaginn 22. mars 2012.

Allir velkomnir á meðan húsrúm leyfir.

Munið að setja þetta inní dagatalið til að minna ykkur á !

Stjórn Sjálfstæðisfélags Mosfellinga

Elías Pétursson kosinn varamaður í Miðstjórn

Á fundi Kjördæmaráðs suðvesturkjördæmis í gærkvöldi fór fram kosning um fulltrúa í miðstjórn flokksins.  Okkar maður, Elías Pétursson, bauð sig fram og náði þeim árangri að verða 2.varamaður.  Mikil mæting var á fundinn frá öllum félögunum, en við Mosfellingar toppuðum allt,  fulltrúar fulltrúaráðsins mættu 100% og fulltrúar sjálfsæðisfélagsins og sjálfkjörnir voru nánast með fullt hús.  Þetta sýnir þann samhug og samheldni sem ríkir hjá okkur sjálfstæðismönnum í Mosfellsbæ, við höfum náð undraverðum árangri hér í sveitafélaginu og þurfum nú að reyna að komast til frekari áhrifa á landsvísu. Það er Elli að gera og kunnum við honum bestu þakkir fyrir.

Fulltrúaráðið

Aðalfundir sjálfstæðisfélagana í Mosfellsbæ

Ágætu sjálfstæðismenn.
Sjálfstæðisfélögin í Mosfellsbæ og Fulltráð sjálfstæðisfélaganna halda aðalfundi sína fimmtudaginn 9. febrúar 2012, í félagsheimilinu Háholti.
Haraldur Sverrisson bæjarstjóri og Bryndís Haraldsdóttir formaður skipulagsnefndar  verða gestir fundarins og fjalla  um framkvæmda- og skipulagsmál í bæjarfélaginu.
Aðalfundur Viljans hefst kl. 20.00.
Aðalfundur Sjálfstæðisfélagsins kl. 20.30.
Aðalfundur fulltrúaráðsins  kl. 21.00.
Dagskrá fundanna:
1. Venjuleg aðalfundarstörf
2. Önnur mál.
Félagar eru hvattir til að mæta.
Stjórnir félaga og fulltrúaráðs.

Breyting á fundartímum

Ágætu Sjálfstæðismenn,

Vegna fremur dræmrar mætingar á laugardagsfundi félagsins þá hefur verið ákveðið að færa fundina yfir á fimmtudagskvöld.

Næsti fundur verður haldinn í húsnæði félagsins að Háholti fimmtudaginn 26. janúar og hefst kl. 20:00.  

Dagskrá verður sem hér segir:

•    Ofurskattar eða eignarnám
Vilhjálmur Bjarnason mætir og  flytur erindi um skattamál
•    Önnur mál

Sjálfstæðismenn fjölmennum

f.h. Sjálfstæðisflokksins í Mosfellsbæ
Elísabet S. Ólafsdóttir
Haukur Ómarsson

Laugardagsfundur 3.des kl. 11.00

Ágæti Sjálfstæðismaður.

Síðasti laugardagsfundur ársins verður haldinn í félagsheimilinu Háholti n.k. laugardag 3. desember og hefst kl. 11.00

Dagskrá:
-Að afloknum Landsfundi
Farið verður yfir helstu ályktanir og samþykktir Landsfundarins
-Önnur mál

Boðið verður upp á kaffi og piparkökur

Sjálfstæðismenn fjölmennum!

F.h. Sjálfstæðisflokksins í Mosfellsbæ,
Elísabet S. Ólafsdóttir
Haukur Ómarsson

Fyrsti laugardagsfundur vetrarins

Ágæti sjálfstæðismaður,

Fyrsti laugardagsfundur vetrarins verður haldinn n.k. laugardag, 8. október í Sjálfstæðishúsinu Háholti.  Fundurinn hefst kl. 11:00.

Dagskrá:

1. Bæjarmálin

Haraldur Sverrisson bæjarstjóri fer yfir fjárhagsáætlun og framkvæmdir á vegum sveitarfélagsins

1. Önnur mál

Félagar fjölmennum – heitt á könnunni

 

F.h. Fulltrúaráðsins

 

Elísabet S. Ólafsdóttir

Haukur Ómarsson

Síðasti Laugardagsfundurinn fyrir sumarfrí

Ágætu sjálfstæðismenn

Síðasti laugardagsfundurinn fyrir sumarfrí verður haldinn n.k. laugardag, 28. maí kl. 11.00 í Sjálfstæðishúsinu Háholti.  Dagskráin verður sem hér segir:

1. Jón Gunnarsson alþingismaður

Orkumál og stjórnmálaviðhorfið almennt

1. Önnur mál

Heitt á könnunni

F.h. fulltrúaráðsins

Elísabet S. Ólafsdóttir/Haukur Ómarsson